Seldu fyrir 2.600 milljarða króna á einum degi
- Björn Berg Gunnarsson
- Jan 14, 2017
- 1 min read
Updated: May 13, 2023
Singles' Day er haldinn hátíðlegur 11. nóvember, en þá flykkjast Kínverjar eftir ljósleiðurunum á verslunartorg Alibaba og versla fyrir jólin.
Síauknar vinsældir þessa neyslufyllerís hafa vakið mikla athygli að undanförnu og nú í ár nam heildarsalan á þessum eina degi 2.600 milljörðum íslenskra króna sem jafngildir heildartekjum íslenska ríkisins undanfarin þrjú ár.
Borið saman við stærstu verslunardaga Bandaríkjanna er Singles' Day orðinn gríðarstór. Raunar hafa verslunarrisar vestanhafs á borð við Wal-Mart og Bloomingdale‘s ákveðið að taka þátt í veislunni og bjóða nú árlega upp á sérstök tilboð í tilefni þessarar kínversku hátíðar.
Annað áhugavert má lesa út í sölutölum Singles' Day, en það er hversu óvenju hátt hlutfall verslunarinnar fer fram í gegnum farsíma og spjaldtölvur, en í ár náði það 90%. Þetta er allt annað og hærra hlutfall en vestanhafs þar sem það var í fyrra um 65%.
Greinin er birt með leyfi Íslandsbanka og birtist fyrst á vef bankans.
