Um Björn
Ég hjálpa fólki við að bæta fjárhagslega heilsu sína
Björn Berg Gunnarsson hefur haldið hundruð fyrirlestra og námskeiða um fjármál hjá fyrirtækjum, stofnunum, félagasamtökum og skólum.
Hann er afkastamikill greina- og pistlahöfundur í prent- og vefmiðlum og reglulegur gestur í útvarpi og sjónvarpi sem álitsgjafi og til að útskýra fjármál og efnahagsmál á einföldu og skýru máli. Hann hefur vakið athygli fyrir létta og aðgengilega framsögu og framsetningu og er eftirsóttur kennari og fyrirlesari hjá símenntunarstöðvum, skólum og stofnunum.
Björn er með BS gráðu í viðskiptafræði, meistaragráðu í markaðs- og alþjóðaviðskiptum og hefur staðist próf í verðbréfaviðskiptum.
Á 16 árum á fjármálamarkaði hefur hann meðal annars starfað við lífeyris-, sparnaðar- og verðbréfaráðgjöf, jafnframt því sem hann stýrði fræðslustarfi Íslandsbanka í áratug og var deildarstjóri greiningardeildar bankans. Meðal annarra starfa Björns má nefna að hann var stjórnarformaður Fjölskyldu- og húsdýragarðsins, stýrði útvarpsþáttum um vísindi og íþróttir auk þess sem hann sat í stjórn Amerísk-íslenska viðskiptaráðsins.
Árið 2021 gaf Björn út bókina Peningar, þar sem fjallað er á lifandi og skemmtilegan hátt um furðulegar og fyndnar hliðar fjármála.
Nýjar færslur á Instagram
Hafðu samband
Finnum hentugan tíma saman